مادلين و كيكة البرتقال روعععععة...خفيفة ومنعشة ومقادير بسيطة

نبداو بسم الله مع المقادير البسيطة (لعبار ب كاس كبير ديال الماء ما عامرش)

3بيضات كبار او 4 صغار الحجم
3/4 كاس سنيدة
3/4 كاس زيت
كاس عصير البرتقال مع قشرة ديال برتقالة محكوكة( و حامضة محكوكة كذلك الى موجودة)
2 كيسان فورص ديال الحلوى
2 خمارات حومر (انا استعملت وحدة ديال 14غ)

السيرو لسقى الكيك

كاس عصير برتقال طازج + كاس صغير ما عامرش سنيدة على عافية مهيلة حتى نحصلو على سيرو ما خفيف ما ثقيل

كنخلطو في خلاط العصير (او فقط بفرشيطة بلا ما نطربو الخليط بزاف)البيض+ سنيدة+العصير ثم نضيف الطحين + خمارات وفي الاخير الزيت

انا استعملت قالب المادلين...نعمرو لكواغط عند الثلثين فقط و الباقي خويتو في قالب الكيك مدهون و مرشوش بالطحين ...ندخلو مادلين يطيب في الاول لانه كيستغرق شي 15 دقيقة فقط

تم الكيك حتى يتحمر و فور خروج سواء مادلين او الكيك من الفرن نسقيهم بالسيرو ...نضع ملعقة كبيرة فوق كل حبة مادلين والباقى نسقي به الكيك
و نخليه يبرد ...ممكن في التلاجة والغد عاد نستهلكوه...ههههه
لانه خاصو يكون بارد ...يكون الذ

» مادلين لذيذ
» جددى منزلك بلمسات بسيطة ومتميزة